SAMFES SAMTOK FELAGSMIDSTODVA OG UNGMENNAHUSA A ISLANDI

Samfés (Youth Work Iceland) er frjáls félagasamtök félagsmiðstöðva og ungmennahúsa á Íslandi sem voru stofnuð að Fríkirkjuvegi 11 í Reykjavík þann 9. desember árið 1985. Aðildarfélagar landssamtakanna eru 126, félagsmiðstöðvar, ungmennahús og nemendafélög á landsvísu. Markmið Samfés: Að auka samskipti og samvinnu félagsmiðstöðva og ungmennahúsa. Að halda úti og styðja við öflugt lýðræðislega kjörið ungmennaráð. Að halda út og styðja við fulltrúaráð Samfésplús, Ungmennaráð ungmennahúsa. Að efna til og taka þátt í verkefna á innlendum og erlendum vettvangi sem tengjast málefnum ungs fólk. Að stuðla að aukinni félags- og lýðræðisþátttöku ungs fólks á Íslandi. Að stuðla að eflingu fagmenntunar starfsfólks á frístundasviði með ráðstefnum og námskeiðum. Að koma á framfæri upplýsingum um starf félagsmiðstöðva og ungmennahúsa og undirstrika vægi þeirra í nútíma samfélagi. Að hafa áhrif á umræðu, hugmyndir og löggjöf um æskulýðsmál á Íslandi. Á aðalfundi Samfés hefur allra aðildarfélaga, starfsfólk ungmennahúsa, félagsmiðstöðva, FB og Tækniskólans tækifæri til að bjóða sig fram í nefndir sem tengjast starfsemi og viðburðum Samfés. Helstu nefndir eru: Starfsdaganefnd, ungmennahúsanefnd, mótanefnd, Stíll undirbúningsnefnd, markaðsnefnd og nefnd sem sér um Samfés-Con. Markhópur aðildarfélaga og samtakanna eru börn og ungmenni á aldrinum 10-25 ára sem og starfsfólk á vettvangi félagsmiðstöðva, ungmennahúsa og nemendafélaga (FB og Tækniskólans).